NMPI Shet tilleri fakulteti inglis tili hám ádebiyati tálim baǵdarınıń 2-kurs studentleri óziniń eki háptelik pedagogikalıq ámeliyatın juwmaqladı.

Ámeliyattıń sońǵı kúni studentler tárepinen Ámet Shamuratov hám Ayımxan Shamuratova úy muzeyinde oqıw ámeliyatı juwmaǵına baǵıshlanǵan ilaj shólkemlestirildi.

Ilajdı fakultet dekanı I.Dilmanov ashıp berdi hám muzey administraciyasına óz minnetdarshılıǵın bildirdi.

Keshede studentler ámeliyat dáwirinde alǵan bilimi hám tájiriybelerin kórsetti. Sońınan, inglis tili hám ádebiyati kafedrası baslıǵı A.Tajieva hám muzey direktorı G.Shamuratova shıǵıp sóyledi.

Ilaj sońında ámeliyatshı-studentler tárepinen tayarlanǵan saxnalastırılǵan muzıkalıq baǵdarlama jıynalǵanlar itibarına usınıldı.